كيف نتعامل مع عيوب ابنائنا ؟

بلاش نبرز عيوب اولادنا ونكبرها فى عيون الناس!!!!!

الاخصائى / دعاء اليمنى 

 مش بس العورات في الاكل والنوم والصوت و….و…..

لا خلي بالك سلوك ولادك عوره ولازم تتعاملي معاها بحذر
اقصد بلاش تبرزي العيوب ديه وتكبريها كمان في عيون الناس….

مش معني ان ابني ألدغ في حرف اخليه مضحكت اللي قاعدين او اكرر الكلمه زيه واحرجه…

مش معني ان ابني مليان شويه اطلع عليه اسامي سخيفة واخلي الناس تناديه زي….

مش معني ان ابني مش شاطر في المدرسه كل من هب ودب اسمحله يعلق ويقولي ده فاشل…..

مش معني ان ابني عصبي شويه او بيعيط كتير افضل انهره وابهدله قدام الناس ومفيش مانع من وصمه ببعض الشتائم ان عيوطه …. وعيل ….ومش راجل….

مش معني ان ابني اقل من غيره في الرياضة اني مسبش حد غير لما احكيله قدامه انه مش شبه صحابه والكابتن بهدله وانه مش نافع…..

ارحموا ولادكم وارحموا نفسكم شويه انا اخترت كلمه عوره عشان تتستر ……

ابني ده هيكون راجل بنتي ديه هتكون انسه كبيره

عارفه انتي عملتي ايه …..وصمتيها مدي الحياه بالكلمات الجارحه والشتائم اللي قولتهلها وجرئتي الناس عليها……

مهما تطورت وكبرت وغيرت في نفسها برده فيها عيب….
وابنك مهما حاول يظهر بشكل افضل برده هيكون في عيون الناس ناقص حته….. وانا السبب

ولادكم وتربية اولادكم مهمه ليست بهينه ده عمل عظيم ويجب ان يشمله السريه والستر ……

بلاش تهينوا اولادكم وتفقدهم الثقه بنفسهم

اول حاجه بعملها مع الطفل اللي جيلي تعديل سلوك اني استقبله بأجمل ابتسامة واقوله اجمل جمل علي شياكته وجماله وذوقه…..
ولا اسمح ابدا لاسرته الكلام عنه ونقده امامه مهما اقنعتني الام انه واخد علي كدا …..ده بيوجع والله بيوجع ولادنا….. بس هما مش عارفين يعبروا صح

وبيفضل شيئ جواهم تعبان حتي لما يكبروا ……

كل واحد فينا جواه ده دوروا كويس وانتوا هتعرفوا قصدي……